....(راشدین) ....

(ایستاده خواهیم مرد، اما زانو زده زندگی نخواهیم کرد) . (پیشه وا ی شه هید قاضی محمد- رحمه الله).
 
تاوانی له دین وه ر گه ران ( جریمه ی ارتداد) به زبان کردی .
ساعت ۱۱:٠۱ ‎ب.ظ روز سه‌شنبه ٢ آذر ۱۳۸٩ : توسط : محسن نصری - س -

سه‌لامو عه‌له‌یکم مامۆستای به‌ڕێز و خۆشه‌ویست:
مامۆستا گیان ئه‌گه‌ر که‌سێک ئیسلام بێت و ببێته‌ مه‌سیحی یان یه‌هودی یان ئێزدی سزاکه‌ی له‌ ئاینی پیرۆزی ئیسلامماندا چییه‌..؟


 به‌ڵام تکایه‌ حه‌ز ئه‌که‌م به‌ ته‌واوی فه‌رمووده‌ پیرۆزه‌کان و ده‌قه‌ پیرۆزه‌کانی نێو قورئانی پیرۆز له‌ سوره‌ت و ئایه‌ت وه‌ڵامم بده‌یته‌وه‌ چونکه‌ هاوڕێیه‌کم ئیسلام بووه‌ و بۆته‌ مه‌سیحی و ئێستا وا خه‌ریکه‌ ده‌گه‌ڕێته‌وه‌ سه‌ر ئاینی پیرۆزی ئیسلام که‌ خۆم رۆژانه‌ هه‌وڵ له‌گه‌ڵ ئه‌یه‌م و محاوله‌ ده‌که‌م به‌ فه‌رمووده‌ و ئایات قناعه‌تی بۆ دروست بکه‌م بۆیه‌ حه‌زم کرد به‌ڕێزتان رێنماییم بکه‌ن له‌پێناو خودای گه‌وره‌ و ئاینه‌ پیرۆز و خۆشه‌ویسته‌که‌مان.
والسلام علیکم و رحمه‌ الله و برکاته

سامان که‌رکوکی – دووزخورماتوو

برای باشم کاکه‌ سامان سڵاوی خوا له‌تۆیش بێت

هیوادارم له‌هه‌وڵه‌که‌تا سه‌رکه‌وتوو بیت و ئه‌و هاوڕێیه‌ت له‌ئاگری به‌سوێی دۆزه‌خ رزگار بکه‌یت.. ئه‌گه‌ر باسی ئه‌و کوڕه‌ جه‌زائیرییه‌ی بۆ بگێڕیته‌وه‌ که‌ چۆن بووه‌ته‌ مه‌سیحی و چۆن هه‌وڵی داوه‌ خه‌ڵکی تریش بکاته‌ مه‌سیحی و به‌ڵام به‌هۆی خوێندنه‌وه‌و ته‌حقیقکردنی خۆیه‌وه‌ خوای باڵاده‌ست هیدایه‌تی داوه‌و گه‌ڕاوه‌ته‌وه‌ سه‌ر رێی راست.. و‌ ئه‌و بابه‌ته‌ش له‌ناو سایته‌که‌ی پێنجوێنیدا هه‌یه‌ به‌ناوی چۆن بوو به‌ به‌دیان؟ له‌ پێنچ ئه‌ڵقه‌دا پێشکه‌شمان کردووه‌. پێم وایه‌ ئه‌وبابه‌ته‌ بۆ ئێستای ئه‌م هاوه‌لَه‌ی تۆ زۆر باشه‌، و ئه‌مه‌ش لینکه‌کانیه‌تی:
http://penjweny.org/article/339
http://penjweny.org/article/342
http://penjweny.org/article/347
http://penjweny.org/article/355
http://penjweny.org/article/359


پاشان ئه‌مه‌ش حوکمی شه‌رعی هه‌ڵگه‌ڕاونه‌وه‌یه‌ له‌ئیسلامدا:
موسوڵمان ئه‌گه‌ر له‌ئاینی خۆی هه‌ڵگه‌ڕایه‌وه‌ و رۆیشته‌ سه‌ر دینێکی تر جگه‌ له‌دینی ئیسلام، به‌شی زۆری مه‌زهه‌به‌کان له‌سه‌ر ئه‌وه‌ن که‌ ده‌بێ بکوژرێ، و به‌ڵگه‌ش به‌و فه‌رمووده‌یه‌ی پێغه‌ممه‌ر صلى الله علیه وسلم دێننه‌وه‌ که‌ فه‌رموویه‌تی: " من بدل دینه فاقتلوه " واته‌: ئه‌وه‌ی ئاینه‌که‌ی خۆی گۆڕی بیکوژن.. ئه‌م فه‌رمووده‌یه‌ش جگه‌ له‌ ئیمامی موسلیم بوخاری ترمزی و ئه‌بوداود و نه‌سائی و ئه‌حمه‌د ریوایه‌تیان کردووه‌.. هه‌روه‌ها ئه‌م فه‌رمووده‌یه‌ش بوخاری و موسلیم له ئیبنو مه‌سعوده‌وه‌ ریوایه‌تیان کردووه‌ که‌ پێغه‌ممه‌ر صلى الله علیه وسلم فه‌رموویه‌تی:" لا یحل دم امرئ مسلم یشهد أن لا إله إلا الله وأنی رسول الله إلا بإحدى ثلاث: النفس بالنفس، والثیب الزانی، والمارق من الدین التارک للجماعة ". واته‌:خوێنڕشتنی هیچ که‌سێکی موسوڵمان دروست نییه‌ به‌یه‌کێ له‌م سێ حاڵه‌ته‌ نه‌بێ: گیان به‌گیان، { واته‌: که‌سێک که‌سێکی به‌ناهه‌ق کوشتووه‌ ده‌بێ بکوژرێته‌وه‌، مه‌گه‌ر که‌س و کاره‌که‌ی لێی ببورن.} که‌سێکی خاوه‌ن هاوسه‌ر زینا بکات حوکمه‌که‌ی کوشتنه‌، ئه‌وه‌ش له‌دین پاشگه‌ز بێته‌وه‌و وازله‌ کۆمه‌ڵی موسوڵمانان بێنێت.

له‌قورئانیشا باسی مو‌ڕته‌ددی کردووه‌ به‌لاَم فه‌رمانی به‌کوشتنی نه‌داوه‌، ته‌نیا هه‌ڕه‌شه‌ی ئه‌وه‌ی لێکردووه‌ که‌ کرده‌وه‌کانی له‌دنیا و قیامه‌تا ده‌سووتێ و به‌و هه‌ڵگه‌ڕانه‌وه‌یه‌ ئاگر به‌رده‌داته‌ خه‌رمانی کرده‌وه‌ی چاکه‌ی و جگه‌ له‌ سزا پاداشتێکی تری نابێ، وه‌ک ئه‌م ئایه‌ته‌ که‌ ده‌فه‌رموێ: " وَمَن یَرْتَدِدْ مِنْکُمْ عَن دِینِهِ فَیَمُتْ وَهُوَ کَافِرٌ فَأُولَئِکَ حَبِطَتْ أَعْمَالُهُمْ فِی الدُّنْیَا وَالآَخِرَةِ ".البقرة/ 217. واته‌: ئه‌وه‌ی له‌ئێوه‌ پاشگه‌زبێته‌وه‌ له‌ئاینه‌که‌ی و بمرێ به‌کافری ده‌مرێ، و ئه‌وانه‌ کرده‌وه‌کانیان له‌دنیاو قیامه‌تا پووچه‌ڵ ده‌بێته‌وه‌..
یا ئه‌م ئایه‌ته‌ی تر که‌ ده‌فه‌رموێ: " یَا أَیُّهَا الَّذِینَ آمَنُوا إِن تُطِیعُوا الَّذِینَ کَفَرُوا یَرُدُّوکُمْ عَلَى أَعْقَابِکُمْ فَتَنْقَلِبُوا خَاسِرِینَ ". آل عمران/ 149. واته‌: ئه‌ی ئه‌وانه‌ی باوه‌ڕتان هێناوه‌! ئه‌گه‌ر به‌گوێی کافره‌کان بکه‌ن پاشگه‌زتان ده‌که‌نه‌وه‌و به‌ره‌ودواتان ده‌به‌ن، و به‌زه‌ره‌ره‌ومه‌ندی ده‌گه‌ڕێنه‌وه‌.. هه‌روه‌ها ئه‌م ئایه‌ته‌ی تریش: " یَا أَیُّهَا الَّذِینَ آمَنُوا مَن یَّرْتَدَّ مِنْکُمْ عَن دِینِهِ فَسَوْفَ یَأْتِی اللهُ بِقَوْمٍ یُحِبُّهُمْ وَیُحِبُّونَهُ... " المائدة/ 54. هةروةها " إِنَّ الَّذِینَ ارْتَدُّوا عَلَى أَدْبَارِهِم مِّن بَعْدِ مَا تَبَیَّنَ لَهُمُ الْهُدَى الشَّیْطَانُ سَوَّلَ لَهُمْ وَأَمْلَى لَهُم ْ. "محمد/ 25.
له‌چه‌ند ئایه‌تێکی تری قورئاندا خوای باڵاده‌ست باسی ئه‌وانه‌ی کردووه‌ پاش ئه‌وه‌ که‌ له‌راسته‌قینه‌ی ئیسلام شاره‌زا ده‌بن و به‌ نیعمه‌تی ئیسلام شاد ده‌بن سه‌ر له‌خۆیان چه‌واشه‌ده‌که‌ن و کافر ده‌بن، ئه‌وانه‌ به‌ر غه‌زه‌ب و خه‌شمی خوا ده‌که‌ون، و سزایه‌کی گه‌وره‌ ده‌درێن.. جگه‌ له‌وانه‌ی به‌زۆر کافر ده‌کرێن و له‌رواڵه‌تا کفر ده‌که‌ن و به‌ڵام دڵیان پڕ له‌ باوه‌ڕه‌، ئه‌وانه‌ به‌ر ئه‌و هه‌ڕه‌شه‌یه‌ ناکه‌ون.. "مَن کَفَرَ بِاللهِ مِن بَعْدِ إیمَانِهِ إِلاَّ مَنْ أُکْرِهَ وَقَلْبُهُ مُطْمَئِنٌّ بِالإِیمَانِ وَلَکِن مَّن شَرَحَ بِالْکُفْرِ صَدْرًا فَعَلَیْهِمْ غَضَبٌ مِّنَ اللهِ وَلَهُمْ عَذَابٌ عَظِیمٌ ". النحل/109، هه‌روه‌ها ئه‌م ئایه‌ته‌ش: "وَعَدَ اللهُ الَّذِینَ آمَنُوا مِنْکُمْ وَعَمِلُوا الصَّالِحَاتِ لَیَسْتَخْلِفَنَّهُمْ فِی الأَرْضِ کَمَا اسْتَخْلَفَ الَّذِینَ مِن قَبْلِهِمْ وَلَیُمَکِّنَنَّ لَهُمْ دِینَهُمُ الَّذِی ارْتَضَى لَهُمْ وَلَیُبَدِّلَنَّهُم مِّن بَعْدِ خَوْفِهِمْ أَمْنًا یَعْبُدُونَنِی لاَ یُشْرِکُونَ بِی شَیْئًا، وَمَن کَفَرَ بَعْدَ ذَلِکَ فَأُولَئِکَ هُمُ الْفَاسِقُونَ ". النور/ 55. واته‌: ئه‌وانه‌ی له‌ناو ئێوه‌دا باوه‌ڕیان هێناوه‌ و کرده‌وه‌ی چاکه‌یان کردووه‌ خوا به‌ڵێنی پێ داون له‌سه‌ر زه‌ویدا بیانکاته‌ جێ نشین.. هه‌روه‌ک ئه‌وانه‌ی پێش ئه‌وانی جێگیر کرد، و ئه‌وئاینه‌شیان بۆ جێگییر بکات که‌ خوا رازی بووه‌ ببێت به‌ دینیان، و خوا ترسیان بۆ ده‌گۆڕێ به‌ ئۆقره‌یی و ئاسایش.. من ده‌په‌رستن و هیچ شتێک ناکه‌نه‌ هاوه‌ڵم، ئه‌وه‌ی پاش ئه‌وحاڵه‌ کافر ببێت ئه‌وه‌ له‌تاقمی فاسقانه‌..

رای زانایان:
هه‌روه‌ک زانایان ده‌فه‌رموون سزای هه‌ڵگه‌ڕاوه‌ له‌ئیسلام کوشتنه‌، به‌پێی هه‌ر چوار مه‌زه‌به‌ ناو داره‌که‌، و ئه‌و مه‌زه‌بانه‌ی تریش که‌ ناوبانگیان وه‌ک ئه‌وان نییه‌..و به‌ڵگه‌شیان له‌و بۆچوونه‌یاندا قورئان و سوننه‌ت و ئیجماعه‌.

به‌ڵگه‌ی ‌قورئانی:
زانایان له‌قورئاندا به‌ڵگه‌ به‌م ئایه‌ته‌ دێننه‌وه‌ که‌ له‌سووره‌تی ئه‌لفه‌تحدا ده‌فه‌رموێ: " ستُدعون إلى قوم أولی بأس شدید تقاتلونهم أو یسلمون " الفتح/ 16و جگه‌ له‌وانیش.. واته‌: بانگ ده‌کرێن بۆ لای قه‌ومێکی خاوه‌ن هێز و جه‌نگاوه‌ر، له‌دژیان ده‌جه‌نگن، یا خۆیان له‌ ئه‌ندجامی بییرکردنه‌وه‌دا موسولَمان ده‌بن.. ده‌لَێن: ئه‌مانه‌ ئه‌و یه‌مامه‌ییانه‌ن که‌ مورته‌د بوونه‌وه‌، و حه‌زره‌تی ئه‌بوبه‌کر شه‌ڕی له‌دژ کرد

به‌ڵگه‌ی ‌سوننه‌ت:
هه‌روه‌ها له‌ سوننه‌تیشا به‌ڵگه‌ به‌و فه‌رمووده‌یه‌ دێننه‌وه‌ که‌ پێغه‌ممه‌ر صلى الله علیه وسلم فه‌رموویه‌تی: "لا یحل دم امرئ مسلم إلا بإحدى ثلاث: .1، 2، 3- والتارک لدینه المفارق للجماعة ". رواه البخاری. خوێن رشتنی موسڵمان به‌یه‌کێ له‌و سێ شته‌ نه‌بێت دروست نییه‌.. 1-و 2-، 3- ئه‌وه‌ی واز له‌ ئاینه‌که‌ی دینێ، و بڵاوه‌ به‌ کۆمه‌ڵ ده‌کات.. هه‌روه‌ها رووداوی عوگه‌ل، و موزه‌ینه‌.. و ئه‌و فه‌رمووده‌یه‌ش که‌ ده‌فه‌رموێ: " من بدل دینه فاقتلوه " واته‌: ئه‌وه‌ی ئاینه‌که‌ی خۆی گۆڕی بیکوژن..

به‌ڵگه‌ی ئیجماع:
به‌ڵگه‌ی ئیجماعیش به‌وه‌ دێننه‌وه‌ که‌ حه‌زره‌تی ئه‌بووبه‌کر خوا لێی رازی بێت، بۆگه‌ڕاندنه‌وه‌ی زه‌کات نه‌ده‌ره‌کان له‌شکری ئاماده‌کرد و له‌ته‌کیانا جه‌نگی .. هه‌روه‌ها به‌ڵگه‌شیان به‌وه‌ هێناوه‌ته‌وه‌ که‌ پێغه‌ممه‌ر صلى الله علیه وسلم ، فه‌رمانی داوه به‌کوشتنی " عبد الله بن أبی سرح، و ابن خَطل " و چه‌ند که‌سێکی تریش ‌..
له‌گه‌لَ ئه‌وه‌دا هه‌موو ئه‌و به‌لَگانه‌ی باسکران جێی باسن و له‌لایه‌ن زانایانه‌وه‌ قسه‌یان له‌سه‌ر کراوه‌، من پێم وایه‌ ئه‌و که‌سه‌ی که‌ رووده‌کاته‌ ئیسلام ده‌بێ ته‌واوی ئازادی خۆی هه‌بێ، و له‌ترسانا موسولَمان نه‌بێت، چونکه‌ ئه‌که‌ر که‌سێک باوه‌‌ڕی به‌ئیسلام نه‌بێت و له‌ترسانا خۆی به‌موسولَمان پیشان بدات ئه‌وه‌ خیانه‌تێکی گه‌وره‌ی لێکراوه‌، چونکه‌ کراوه‌ به‌ مونافیق، مونافیقیش له‌ئیسلامدا سزاکه‌ی بۆ دیاری کراوه‌ که‌ له‌ بنکڕی جه‌هه‌ننه‌مدایه‌ هه‌روه‌ک خوای بالآده‌ست له‌م ئایه‌ته‌دا باسی ده‌کات و ده‌فه‌رموێ: " إِنَّ الْمُنَافِقِینَ فِی الدَّرْکِ الأَسْفَلِ مِنَ النَّارِ وَلَنْ تَجِدَ لَهُمْ نَصِیرًا " النساء/ 145. "
هه‌رکه‌س هه‌رئاینێکی هه‌یه‌ بابیبێت، من پێم وایه‌ ئه‌م ئایه‌ته‌ که‌ ده‌فه‌رموێ: " لا إِکْرَاهَ فِی الدِّینِ قَدْ تَبَیَّنَ الرُّشْدُ مِنَ الْغَیِّ فَمَنْ یَکْفُرْ بِالطَّاغُوتِ وَیُۆمِنْ بِاللَّهِ فَقَدِ اسْتَمْسَکَ بِالْعُرْوَةِ الْوُثْقَى لَا انْفِصَامَ لَهَا وَاللَّهُ سَمِیعٌ عَلِیمٌ (256) اللَّهُ وَلِیُّ الَّذِینَ آَمَنُوا یُخْرِجُهُمْ مِنَ الظُّلُمَاتِ إِلَى النُّورِ وَالَّذِینَ کَفَرُوا أَوْلِیَاؤُهُمُ الطَّاغُوتُ یُخْرِجُونَهُمْ مِنَ النُّورِ إِلَى الظُّلُمَاتِ أُولَئِکَ أَصْحَابُ النَّارِ هُمْ فِیهَا خَالِدُونَ" البقرة/257. واته‌: زۆرکردن و ناچارکردن نییه‌ له‌وه‌رگرتنی ئایندا، رێنوێنی له‌سه‌رگه‌ردانی جیابوه‌ته‌وه‌، و حه‌قیقه‌ت ده‌رکه‌وتووه‌، ئه‌وه‌ی باوه‌‌ڕ به‌ خوا بێنێ و بێ باوه‌‌ڕ ببێت به‌هه‌موو تاغووتێکی په‌رستراو جگه‌ له‌ ئه‌لَلآ ئه‌وه‌ ده‌ستی به‌ گوریس و رێسمانێکی پته‌وی واوه‌ گرتووه‌ که‌ پسانی بۆنییه‌، و خوایش بیسه‌ر و زانایه‌.. ئه‌وانه‌ی باوه‌‌ڕیان به‌خوا هێناوه‌ خوا کۆمه‌ک و پشتیوانیانه‌و له‌تاریکی کوفره‌وه‌ به‌ره‌و رووناکی باوه‌‌ڕیان ده‌بات، و ئه‌وانه‌ی کافریش بوون شه‌یتان کۆمه‌ک و پشتیوانیانه‌و له‌رووناکی باوه‌‌ڕه‌وه‌ به‌ره‌و تاریکی کوفریان ده‌به‌ن، ئه‌وانه‌ دۆزه‌خین وپاداشتیان مانه‌وه‌ی هه‌میشه‌ییه‌ له‌ئاگری به‌سوێی دۆزه‌خدا..

له‌به‌ر ئه‌وه‌ من وام پێ باشه‌ تۆ کاسێته‌کانی ئه‌حمه‌د دیداتی پێ بده‌یت و ناو به‌ناو به‌سه‌ر هاتی تازه‌ موسولَمان بووه‌کانی پێ بده‌یت ئه‌وانه‌ی که‌ قه‌شه‌و پێشه‌واوای مه‌زه‌بی مه‌سیحی بوون و موسولَمان بوون.. ئینشائه‌لََلآ له‌مه‌ولا منیش خۆم یه‌کلایی ده‌که‌مه‌وه‌ بۆ نووسین له‌وباره‌وه‌..

هیوادارم خوا ده‌ست به‌بالَته‌وه‌ بگرێت و سه‌رکه‌وتووت بکات..ئامین..

له سایتی ماموستا حه سه ن پینجوینی وه رگیراوه.